sa loob ng 3 taon ko sa macro, bawat party na dinaluhan ko, ikaw ang kasama ko. pero iba na ngayon... kasama mo sila... kasama ko iba...

pagpasok ni meme, nakita na niya ako. ang bungad niya ay hindi "hello". "nasan'n si keith?"

isang matamis-mapait na ngiti ang sagot ko. "ikaw talaga meme", sabi ko."andito naman ako, bakit sya pa ang hanap mo?"

unti-unting nagsidating silang lahat. nakakatawa. ikaw ang hanap nila.

paano ko ipaliliwanag na nagbago na ang lahat? paano ko sasabihin, nang walang bahid ng hinanakit, na mas pinili mo sila kaysa sa 'kin? paano ko ipaliliwanag na inurong mo ang araw ng kasal?

ngiti lang ang sagot ko sa lahat ng tanong nila. isang hithit sa hawak kong yosi. isang buga ng usok sabay lagok ng vodka ice...